इन्सुली: गोव्याच्या दिशेने वाळू वाहतूक करणारा डंपर इन्सुली कोठवळेबांध येथे पन्नास फुट खोल दरीत कोसळला. हा अपघात गुरुवारी मध्यरात्री मुंबई गोवा महामार्गवरील येथे घडला. सुदैवाने कोणतीही जीवितहानी झाली नाही. मात्र डंपरचे फार मोठे नुकसान तर डंपरमधील वाळूचे नुकसान झाले. याबाबतची कोणतीच नोंद पोलिसात नव्हती. याबाबत मिळालेली माहिती अशी की, कुडाळहुन गोव्याच्या दिशेने वाळू वाहतूक करणारा डंपर इन्सुली कोठावळेबांध येथे आला असता महामार्गवरून खोल दरीत कोसळला. मात्र डंपर कशामुळे खाली कोसळला हे मात्र समजू शकले नाही. सदरची दरी पन्नास फूट खोल असून एवढ्या वरून वाळूने भरलेला डंपर दरीत कोसळल्याने डंपरचे फार मोठे नुकसान झाले. तर आत मध्ये असणारी वाळूसुद्धा शेतात सांडून नुकसान झाले. सदरचा अपघात गुरुवारी मध्यरात्री झाला असावा असा अंदाज स्थानिकांचा आहे. अपघाताचे वृत्त समजताच स्थानिकांनी पहाटे मोठी गर्दी केली होती. याबाबतची नोंद पोलिसात नव्हती.
Subscribe
