कणकवली : कणकवली शहरात आयोजित करण्यात आलेल्या रक्तदान शिबिरात रिगल कॉलेज ऑफ कॉम्प्युटर ॲप्लिकेशन, कणकवलीच्या बीसीए विभागातील विद्यार्थिनींनी उत्स्फूर्त सहभाग नोंदवला. या शिबिरात विद्यार्थिनींनी स्वतः रक्तदान करून सामाजिक भान आणि मानवतेचा संदेश दिला.
“तरुणाई ही समाजाची खरी शक्ती आहे” हे या उपक्रमातून पुन्हा एकदा अधोरेखित झाले. रक्तदानासारख्या पवित्र आणि जीवनदायी कार्यात सहभागी होत विद्यार्थिनींनी मानवतेचा आदर्श निर्माण केला. “रक्तदान हेच श्रेष्ठ दान” या विचाराला कृतीतून साकार करत त्यांनी इतर विद्यार्थ्यांसाठी प्रेरणादायी उदाहरण घालून दिले.
या उपक्रमासाठी महाविद्यालयाचे प्राचार्य, प्राध्यापकवर्ग तसेच रक्तदान शिबिराचे आयोजक यांनी विद्यार्थिनींचे विशेष कौतुक केले. अशा सामाजिक उपक्रमांमुळे विद्यार्थ्यांमध्ये सामाजिक जाणीव, सहकार्याची भावना तसेच आरोग्याविषयी जागरूकता वाढते, असे मत यावेळी व्यक्त करण्यात आले.
Subscribe
