उपजिल्हाप्रमुख स्वरूप वाळके यांचा विशेष सन्मान
समाजहितासाठी सातत्याने राबविण्यात येणाऱ्या विविध सामाजिक उपक्रमांची तसेच सर्वसामान्य नागरिकांच्या प्रश्नांसाठी केलेल्या उल्लेखनीय कार्याची दखल घेत युवासेना उपजिल्हाप्रमुख स्वरूप वाळके यांचा युवासेना प्रदेश कार्यालयाच्या वतीने विशेष सन्मान करण्यात आला. त्यांच्या सामाजिक कार्याची प्रदेश पातळीवर दखल घेत सन्मानचिन्ह प्रदान करून त्यांच्या कार्याचा गौरव करण्यात आला.
युवासेनेच्या माध्यमातून सर्वसामान्य नागरिक, युवक आणि समाजातील विविध घटकांच्या प्रश्नांसाठी स्वरूप वाळके हे सातत्याने सक्रियपणे कार्यरत आहेत. नागरिकांच्या अडचणी समजून घेत त्या सोडविण्यासाठी पाठपुरावा करण्याबरोबरच सामाजिक बांधिलकी जपत विविध उपक्रमांचे आयोजन त्यांच्या माध्यमातून करण्यात येत आहे. समाजातील गरजू घटकांना मदत, युवकांना प्रोत्साहन तसेच जनहिताशी संबंधित विविध विषयांवर त्यांनी सातत्याने पुढाकार घेतला आहे.
याच सामाजिक कार्याची दखल घेत युवासेना प्रदेश कार्यालयाच्या वतीने स्वरूप वाळके यांचा विशेष गौरव करण्यात आला. यावेळी युवासेनेचे पदाधिकारी, कार्यकर्ते तसेच विविध स्तरांवरील मान्यवर उपस्थित होते. सन्मानचिन्ह प्रदान करून त्यांच्या सामाजिक व संघटनात्मक कार्याचे कौतुक करण्यात आले.
या सन्मानामुळे स्वरूप वाळके यांच्या सामाजिक कार्याला निश्चितच नवी ऊर्जा आणि बळ मिळाले आहे. भविष्यातही समाजातील सर्वसामान्य नागरिकांच्या समस्या सोडविण्यासाठी, युवकांच्या प्रश्नांना वाचा फोडण्यासाठी आणि समाजहिताचे विविध उपक्रम अधिक व्यापक स्वरूपात राबविण्यासाठी आपण कटिबद्ध राहणार असल्याचे स्वरूप वाळके यांनी यावेळी व्यक्त केले.
युवासेना प्रदेश कार्यालयातून झालेल्या या विशेष गौरवामुळे स्वरूप वाळके यांच्या कार्याची प्रदेश पातळीवर दखल घेतली गेल्याचे स्पष्ट झाले असून, त्यांच्या या सन्मानाबद्दल युवासेना पदाधिकारी, कार्यकर्ते, मित्रपरिवार आणि विविध स्तरांतून अभिनंदनाचा वर्षाव होत आहे. सामाजिक क्षेत्रात सातत्याने कार्यरत राहून जनतेशी असलेली नाळ अधिक मजबूत करण्यासाठी हा सन्मान प्रेरणादायी ठरणार असल्याची भावना यावेळी व्यक्त करण्यात आली.त्यावेळी त्याच्या समवेत युवा सेना सिंधुदुर्ग जिल्हाप्रमुख संग्राम चाळसकर सिंधुदुर्ग जिल्ह्यातील कुडाळ मालवण विधानसभा चारही तालुकाप्रमुख, तसेच प्रमुख पदाधिकारी उपस्थित होते.
Subscribe
