रिगल कॉलेजच्या विद्यार्थ्यांची निलामकंट्री साईट हॉटेलला ज्ञानवर्धक शैक्षणिक भेट

Post Views: 265

कणकवली : २४ जुलै २०२५ रोजी, कणकवली येथील रिगल कॉलेजच्या हॉटेल मॅनेजमेंट विभागातील विद्यार्थ्यांनी नीलमकंट्री साईट हॉटेलला एक ज्ञानवर्धक शैक्षणिक भेट दिली. केवळ पुस्तकी ज्ञानापुरते मर्यादित न राहता, हॉटेल उद्योगाच्या प्रत्यक्ष कार्यप्रणालीची सखोल माहिती विद्यार्थ्यांना मिळावी, हा या भेटीमागचा उदात्त उद्देश होता.

या दौऱ्यात विद्यार्थ्यांनी हॉटेलमधील विविध विभागांची बारकाईने पाहणी केली. फ्रंट ऑफिसच्या आकर्षक प्रवेशद्वारापासून ते हाऊसकीपिंगच्या निर्दोष व्यवस्थेपर्यंत, फूड अँड बेवरेज सर्व्हिसच्या रुचकर कक्षांपासून ते किचनच्या तंत्रशुद्ध कार्यपद्धतीपर्यंत, प्रत्येक विभागाने विद्यार्थ्यांच्या ज्ञानात भर घातली. हॉटेलच्या अनुभवी अधिकाऱ्यांनी विद्यार्थ्यांना आधुनिक हॉटेल व्यवस्थापन प्रणाली, अद्ययावत सेवा तंत्रज्ञान आणि या क्षेत्रातील उज्वल करिअर संधींविषयी मोलाचे मार्गदर्शन केले. त्यांच्या शब्दांनी विद्यार्थ्यांच्या मनात भविष्याविषयीची आशा आणि उत्साह जागृत केला.

या शैक्षणिक दौऱ्यामुळे विद्यार्थ्यांना केवळ उद्योग जगताचा प्रत्यक्ष अनुभव मिळाला नाही, तर त्यांचे व्यावसायिक ज्ञान अधिक दृढ आणि समृद्ध झाले. हॉटेल व्यवस्थापन क्षेत्रातील सद्धांतिक ज्ञान आणि व्यावहारिक अनुभवाचा हा संगम विद्यार्थ्यांच्या पुढील वाटचालीस निश्चितच मोलाचा ठरेल, यात शंका नाही.