……. तर तुमचे पक्ष प्रमुख तुम्हाला जागेवर ठेवणार नाहीत.
प्रत्येकाच्या वजनाला सदस्य म्हणून दहा वर्ष कामकाज
कणकवली प्रतिनिधी: विधानसभा निवडणूक आणि निवडणूक रिंगणात उतरलेले उमेदवार यांच्यातील आरोप प्रत्यारोप यामुळे राजकीय वातारण चांगलच तापलेले दिसत आहे. अशातच आता आपल्या विरोधात टीका करणाऱ्यांना आमदार नितेश राणे यांनी खरमरीत प्रत्युत्तर दिले आहे.
कुंडल्या बाहेर निघाल्या तर तुमचे पक्ष प्रमुख तुम्हाला जागेवर ठेवणार नाहीत.
आ.नितेश राणे म्हणाले की, अपक्ष उमेदवार नवाज खानी यांना मी उमेदवारी अर्ज भरायला लावला असे कोण म्हणत असेल तर संदेश पारकर यांना ही त्या चौकटीत बसवायला पाहिजे. नितेश राणे यांनी कोणा कोणाला अर्ज भरायला लावला आहे असा संशयाचा काटा फिरवायचा असेल तर असंख्य लोकांवर तो फिरेल. त्यामुळे माझ्या प्रतिस्पर्धी लोकांनी या विषयावर कमीच बोलावे. नाहीतर कुंडल्या बाहेर निघाल्या म्हणजे त्या त्या पक्षाचे प्रमुख त्या लोकांना जागेवर ठेवणार नाही. असा सूचक इशारा भाजप महायुतीचे कणकवली चे उमेदवार आमदार नितेश राणे यांनी दिला.
मी माझ्या विरोधकांना कमी लेखले नाही
ते पुढे म्हणाले, मी २०१४ आणि २०१९ मध्ये निवडणूका लढवलेल्या आहेत. मी कधीही माझ्या विरोधकांना कमी लेखत नाही. किंबहुना त्यांच्यावर कधीही वैयक्तिक टीका टिपणी करत नाही. आणि जे उत्तर तुम्हाला द्यायच आहे. ते माझे मतदार २३ तारीखला मत पेटीत दिसेल. निवडणुकीची पूर्ण तयारी झालेली आहे. ज्या काही निवडणूक आयोगाच्या अपेक्षा असतात. जे काही नियम दिलेले आहेत. त्या नियमानुसार आम्ही लढतो आहे.
आम्ही निवडणूक संविधानाचा मान ठेवून लढतो
दरम्यान ते पुढे म्हणाले, डॉक्टर बाबासाहेब आंबेडकरांच्या संविधानावर आपल्या सर्वांचा विश्वास असल्यामुळे आम्ही ही निवडणूक संविधानाचे अंतर्गत आणि त्याचा मान ठेवून सर्वजण लढतो आहोत. माझी ही निवडणूक माझ्या कणकवली, देवगड, वैभववाडी ची जनता लढते आहे. तुमच्या विचारलेल्या प्रश्नाचे उत्तर माझे मतदार तुम्हाला २३ तारखेला देतील, कारण प्रत्येकाच्या घरातला सदस्य म्हणून मी गेली दहा वर्ष वावरलेलो आहे. त्यामुळे माझ्या विरोधी उमेदवारावर वैयक्तिक टीका करणार नाही.
Subscribe
