कुडाळ : महाराष्ट्र राज्य परीक्षा परिषदेमार्फत 22 फेब्रुवारी 2026 रोजी घेण्यात आलेल्या पाचवी, आठवी शिष्यवृत्ती परीक्षेचा अंतिम निकाल व गुणवत्ता यादी ऑनलाईन जाहीर झाली आहे. यामध्ये कुडाळ तालुक्यातील डीगस माध्यमिक विद्यालयाची विद्यार्थिनी कुमारी नेहा कृष्णा लाड, हिने इयत्ता आठवी शिष्यवृत्ती परीक्षेत ग्रामीण सर्वसाधारण शिष्यवृत्ती प्राप्त करून उल्लेखनीय यश संपादन केले आहे तिच्या या उज्वल यशाबद्दल संस्था अध्यक्ष श्री अमरसेंन पुष्पसेन सावंत सर्व संचालक मंडळ तसेच हायस्कूलच्या मुख्याध्यापिका अनुजा सावंत तसेच शिक्षक शिक्षकेतर कर्मचारी यांनी संस्थेच्या वतीने तिचे हायस्कूलमध्ये अभिनंदन करण्यात आले. यावेळी हायस्कूलच्या मुख्याध्यापिका अनुजा सावंत बोलताना म्हणाल्या, आमच्या या शाळेतील ग्रामीण भागातील मुले नेहमी स्पर्धा परीक्षेत अव्वल ठरलेली आहेत. यामध्ये शिक्षकांसोबत पालकांचेही मोठे योगदान आहे. नेहाच्या या यशाबद्दल तिचे गावातही कौतुक होत आहे. नेहाने अशीच उंच भरारी घ्यावी असेही सावंत यांनी बोलताना सांगितले.
Subscribe
