कुडाळ : समस्त शिवभक्तांकडुन नेरुरपार कुलदेवता मंदिरात शिवजयंती उत्सव साजरा करण्यास सुरुवात झाली. पण नुसती शिवजयंती न करता ज्या छत्रपती शिवाजी महाराजांनी हिंदवी स्वराज्य स्थापन करून तुम्हा आम्हाला हिंदू म्हणून जगण्याचा मान मिळवून दिला त्या महाराजांचे ऋण फेडण्याचा एक प्रयत्न म्हणून महाराजांचे एकमेव मंदिर असलेला मालवण मंदिर सिंधुदुर्ग किल्ला यावरून शिवज्योत आणून शिवजयंती साजरी करुया असा मानस शिवभक्त गौरव दाभोलकर,महेश हडकर , प्रफुल्ल हडकर,प्रमिला नाईक, विवेक नाईक यांनी बोलून दाखवला व तो सत्त्यात उतरण्यासाठी गेल्या वर्षी पासुन सुरुवात केली. याही वर्षी शिवभक्तांच्या उपस्थितीत शिवराजेश्वर मंदिर ते कुलदेवता मंदिर अशी शिवज्योत न थांबता व न थकता मोठ्या उत्साहात आणून शिवजयंती साजरी करण्यात आली. यावेळी माजी पंचायत समिती सदस्य श्री संदेश नाईक व अन्य ग्रामस्थ उपस्थित होते
Subscribe
