कुडाळ : कवठी गावात मंदिर परिसरात असलेल्या महाराजांच्या पुतळ्याला पुष्पहार अर्पण करून तमाम शिवप्रेमी यांनी मोठ्या उत्साहात शिवजयंती साजरी केली. यावेळी कु. मिहिर प्रफुल्ल वाडयेकर या बालकाने छत्रपती बाल शिवाजी महाराजांची वेशभूषा परिधान केली होती. सोबत इतर मुलांनी राजमाता जिजाऊ व मावळे असा वेष परिधान केला होता. यावेळी नवनिर्वाचित नेरूर जिल्हा परिषद सदस्य रूपेश पावसकर यांची प्रमुख उपस्थिती होती. त्यांच्या हस्ते महाराजांना पुष्पहार अर्पण करण्यात आला. यावेळी गावच्या उप सरपंच सौ. ऋतुजा रूपेश खडपकर, ग्रामपंचायत सदस्य श्री. नंदकिशोर वाडयेकर, पु. प्रा. शाळा कवठी नं.१ मुख्याध्यापक श्री. परब सर, सौ.नारकर मॅडम, सौ. सावंत मॅडम, श्री. पालवे सर, देवस्थान समितीचे अध्यक्ष श्री. गजानन कवठकर, सचिव श्री. रूपेश खडपकर, खजिनदार श्री. मंगेश बांदेकर, माजी सरपंच श्री. रूपेश वाडयेकर, माजी उपसरपंच श्री. अरूण परूळेकर, श्री, दिलीप परूळेकर, श्री, रवी गोडकर, सौ. दिपाली गोडकर,श्री. राजन खोबरेकर, श्री. रमेश परूळेकर, श्री. दिलिप गोडकर, श्री. शेखर मेस्त्री, श्री. मधुकर खडपकर, श्री. गजानन कवठकर, श्री. अमित सांगळे, श्री. महेश वाडयेकर, श्री. उल्हास कवठकर, श्री. गणपत कवठकर, आदी ग्रामस्थ, विद्यार्थी, शिक्षक वृंद हजर होते.
Subscribe
