वेताळ बांबर्डे येथे शाळेच्या पहिल्याच दिवशी मुलांना शाळेत न पाठवण्याचा पालकांचा निर्णय
शिवसेना नेते आनंद शिरवलकर व उपशिक्षणाधिकारी आंगणे यांच्या यशस्वी शिष्टाईनंतर शाळा नियमित सुरू
कुडाळ : उन्हाळी सुट्टीनंतर आज दिनांक १६ जून रोजी सर्व शाळा नियमित सुरू झाल्या. परंतु आज शाळेच्या पहिल्याच दिवशी वेताळ बांबर्डे कदमवाडी येथील पालकांनी आपल्या पाल्यांना शाळेत न पाठवण्याचा निर्णय घेतला. वेताळ बांबर्डे येथील कदमवाडी शाळेची झालेली दुरवस्था पाहून पालकांना हा निर्णय घ्यावा लागला. त्यामुळे शाळेत आज मुलेच नसल्यामुळे शाळा नियमित सुरू झाली नव्हती. परंतु शिवसेना नेते आनंद शिरवलकर आणि उपशिक्षणाधिकारी आंगणे यांच्या यशस्वी शिष्टाईनंतर शाळा नियमित सुरू झाली.
वेताळ बांबर्डे कदमवाडी शाळेच्या इमारतीची पार दुरावस्था झाली असून जागोजागी इमारतीच्या स्लॅबला तडे गेले आहेत. त्यामुळे पावसाच्या काळात हा स्लॅब नेहमी गळत असतो. परिणामी मुलांना पाण्यातच बसावे लागते. शिवाय स्लॅब कोसळण्याची भीती देखील पालकांच्या मनामध्ये होती. शाळेच्या खिडक्या गंजलेल्या स्थितीत असून त्या केव्हाही तुटून पडतील अशा अवस्थेत आहेत. याबाबत वारंवार शासन दरबारी पाठपुरावा करून देखील प्रशासनाकडून कोणतीही हालचाल करण्यात आली नाही. त्यामुळे वेताळ बांबर्डे कदमवाडी येथील पालकांनी आपल्या पाल्यांना शाळेमध्ये न पाठवण्याचा निर्णय घेतला.
ही बाब शिवसेना नेते आनंद शिरवलकर यांच्यापर्यंत पोहोचल्यानंतर त्यांनी ताबडतोब उपशिक्षणाधिकारी आंगणे यांच्यासहित वेताळ बांबर्डे कदमवाडी शाळेला भेट दिली. तसेच कदमवाडी येथील ग्रामस्थांच्या शाळेबाबत असलेल्या समस्या जाणून घेतल्या. मी स्वतः आमदार निलेश राणे यांच्या कानावर ही बाब घालून त्यांच्याच माध्यमातून आपल्या सर्वांच्या मागण्या पूर्ण करून घेईन असे आश्वासन आनंद शिरवलकर यांनी ग्रामस्थांना दिले. तसेच संबंधित अधिकाऱ्यांना फोनवरून ताबडतोब शाळेच्या इमारतीच्या दुरुस्तीबाबत सूचना दिल्या. तसेच उपशिक्षणाधिकारी आंगणे यांनी ही शाळा दत्तक घेतली असून शासन स्तरावर स्वतः पाठपुरावा करून शाळेच्या इमारतीची दुरुस्ती करून घेईन असे सांगितले. शिवसेना नेते आनंद शिरवलकर व उपशिक्षणाधिकारी आंगणे यांच्या यशस्वी शिष्टाईनंतर अखेर पालकांनी माघार घेत आपल्या पाल्यांना शाळेत पाठवले.
यानंतर सर्व मुलांनी शाळेमध्ये प्रवेश केला. यावेळी प्रशालेच्या प्रवेशद्वारावर शिक्षकांनी मुलांचे औक्षण करत त्यांचे स्वागत केले. यानंतर मुलांना शिक्षणाची आणि शाळेची आवड व्हावी यासाठी मुलांना भेटवस्तू देत त्यांचे तोंड गोड करण्यात आले. यानंतर आनंद शिरवलकर यांच्या शुभहस्ते शाळेच्या परिसरात रोप लावून वृक्षारोपण करण्यात आले. यावेळी सर्व पालकांनी शिवसेना नेते आनंद शिरवलकर व उपशिक्षणाधिकारी आंगणे यांचे आभार मानले.
Subscribe1
/
50
जिल्हा परिषदेवर महायुतीचीच सत्ता येईल - उदय सामंत | Udya Samant #udaysamant
सिंधुदुर्ग जिल्ह्यात आम्ही राणे साहेबांच्या मार्गदर्शनाखालीच काम करणार - दत्ता सामंत #nileshrane
आपली ही कार्यकर्त्यांसाठी झटण्याचा वेळ - निलेश राणे | Nitesh Rane #niteshrane
जंगलमय भागात सडलेला मृतदेह; केवळ हाडेच शिल्लक
महेंद्रा अकॅडमी कुडाळचा प्रथम वर्धापन दिन उत्साहात संपन्न
रस्त्याच्या दुरावस्थेवरून वेताळ बांबर्डे ग्रामस्थांची सा. बा. कुडाळ कार्यालयाला धडक
हिंमत असेल तर सिंधुरत्न योजना पुन्हा सुरू करून दाखवा - वैभव नाईक #vaibhavnaik #ajitpawar
ग्राहकांच्या भेटीला येतोय नवा Reno 14 Pro mobilelaunch #smartphone #tech #innovation #newphone
शेवटच्या श्वासापर्यंत आशिष पाटील सरांचे उपकार विसरणार नाही #ashishpatil #dikshanaik
माणगाव खोऱ्यात पुराच्या पाण्यात मोटारसायकलस्वार गेला वाहून #viralvideo #reels #ytshorts #shorts
नामदार नितेश राणे यांचा वाढदिवस असंख्य कार्यकर्त्यांच्या उपस्थितीत उत्साहात साजरा #niteshrane
पालकमंत्री नितेश राणे यांना वाढदिवसाच्या हार्दिक शुभेच्छा! शुभेच्छुक : श्री. रुपेश कानडे
1
/
50
