नागरिकांना गॅस सिलेंडर मिळत नसल्याने शिवसेना उद्धव बाळासाहेब ठाकरे पक्ष आक्रमक
मा.आ.वैभव नाईक यांच्या नेतृत्वाखाली कुडाळ तहसील कार्यालयात धडक देत दिला इशारा
“देशात नरेंद्र, राज्यात देवेंद्र, मिळत नाही सिलेंडर” ची केली घोषणाबाजी
गॅस सिलेंडरचा पुरेसा साठा असल्याचे केंद्र आणि राज्य सरकारकडून सांगण्यात येत आहे. परंतु सिंधुदुर्ग जिल्ह्यात गॅस सिलेंडरचा मोठ्या प्रमाणात तुडवडा झाल्याने नागरिकांना गॅस सिलेंडर मिळत नाहीत.गॅस सिलेंडरसाठी बुकींग देखील होत नाही.त्यामुळे जिल्ह्यातील नागरिक मेटाकुटीस आले आहेत. यांची गंभीर दखल माजी आमदार वैभव नाईक यांनी घेऊन कुडाळ शिवसेना उद्धव बाळासाहेब ठाकरे पक्षाच्या वतीने आज कुडाळ तहसील कार्यालयावर धडक देण्यात आली. तसेच रिकामी सिलेंडर समोर ठेवून प्रभारी तहसीलदार अमरसिंह जाधव यांना जाब विचारण्यात आला. "देशात नरेंद्र, राज्यात देवेंद्र, मिळत नाही सिलेंडर" अशी घोषणाबाजी देखील यावेळी करण्यात आली. येत्या सोमवार पर्यंत गॅस सिलेंडरचा पुरवठा सुरळीत झाला नाही तर मंगळवार दि.१७ मार्च रोजी हजारो नागरिकांना घेऊन सिंधुदुर्ग जिल्हाधिकारी कार्यालय येथे ठिय्या आंदोलन करण्याचा इशारा वैभव नाईक व शिवसेना पदाधिकाऱ्यांनी दिला.
गॅस सिलेंडरसाठी जिल्ह्यातील प्रत्येक एजन्सी मध्ये नागरिकांच्या मोठमोठया रांगा लागल्या आहेत. सरकारकडून २५ दिवसानंतर गॅस बुकींग होणार म्हणून सांगण्यात आले परंतु बूकिंसाठी असलेले फोन नंबरच बंद आहेत. ज्यांची बुकिंग झाली त्यांनाही गॅस सिलेंडर मिळत नाही. के.वाय.सी. साठी लोकांना ताटकळत रहावे लागत आहे. गृहिणी आणि भाडयाने, हॉस्टेलवर राहणारे मुले,मुली यांनी जेवण कशावर करायचे? व्यावसायिक सिलेंडर पूर्णतः बंद आहेत त्यामुळे हॉटेल व्यवसाय बंद पडले आहेत. त्यावर राज्य सरकारने काय उपाययोजना केली? अशा प्रश्नांची सरबत्ती वैभव नाईक व शिवसेना पदाधिकाऱ्यांनी केली. नागरिकांचे गॅस सिलेंडरसाठी काय हाल होत आहेत हे गॅस एजन्सीमध्ये आपण जाऊन बघा आणि ऑफलाईन गॅस बुकिंग सुरु करा अशी सूचना तहसीलदार यांना करण्यात आली. दरम्यान पुरवठा अधिकारी यांनाही वैभव नाईक यांनी फोन करून याचा जाब विचारला.
याप्रसंगी शिवसेना उद्धव बाळासाहेब ठाकरे पक्षाचे उपजिल्हाप्रमुख अमरसेन सावंत,युवासेना जिल्हाप्रमुख मंदार शिरसाट, कुडाळ तालुकाप्रमुख राजन नाईक, तालुकाप्रमुख कृष्णा धुरी, तालुका संघटक बबन बोभाटे, जि.प.सदस्य रुपेश पावसकर, जि.प.सदस्य गंगाराम सडवेलकर, उपतालुकाप्रमुख बाळा कोरगांवकर, कुडाळ शहरप्रमुख संतोष शिरसाट, माजी जि. प. सदस्य राजू कविटकर,अतुल बंगे,काँग्रेसचे विजय प्रभू, अमित राणे,विनय गावडे, गुरू गडकर, संदीप म्हाडेश्वर, विभाग प्रमुख दिपक आंगणे, दिपश्री नेरुरकर आदी शिवसेना पदाधिकारी व शिवसैनिक उपस्थित होते.
Subscribe1
/
102
पंतप्रधानांना देशाच्या भविष्याची सर्वात जास्त काळजी - पालकमंत्री नितेश राणे #niteshrane
पंतप्रधानांच्या पात्रतेविषयी बोलून त्यांचा केलेला अवमान सहन करणार नाही - प्रभाकर सावंत
विरोधी पक्षाकडे चेहराच राहीलेला नाही म्हणून त्यांना "झुरळाचा" चेहरा घ्यावा लागला - आमदार प्रमोद जठार
NEET पेपरफुटीच्या निषेधार्थ वेंगुर्ल्यात आंदोलन #vengurla #sindhudurg
एखादी मोठी कंपनी कोकणात आली नाही तर तरुणांच्या हाताला काम कसं मिळणार ?
वैभववाडीतच पर्यायी दुसऱ्या जागेवर एम.आय.डी.सी उभारणार - पालकमंत्री नितेश राणे
वैभववाडीतच पर्यायी दुसऱ्या जागेवर एम.आय.डी.सी उभारणार - पालकमंत्री नितेश राणे #niteshrane
स्व.अजितदादा पवार यांच्या जयंतीनिमित्त जनसेवा सप्ताह - अबिद नाईक #kankavli #ajitpawar
कोकणी रानमाणूस प्रसाद गावडे यांची रोखठोक मुलाखत | Prasad Gawade | Konkani Ranmanus #PrasadGawade
कोकणी रानमाणूस प्रसाद गावडे यांची रोखठोक मुलाखत | Prasad Gawade | Kokani Ranmanus
पालकमंत्री नितेश राणे यांच्या मुळेच 86 कोटीची आंबा-काजू विमा रक्कम शेतकऱ्यांच्या खात्यात
पत्रकार शेखर सामंत यांनी सांगितला तो थरारक प्रसंग | Shekhar Samant #shekharsamant #tarunbharat
1
/
102
