लवकरच रुग्णवाहिका सेवा सुरू करण्याची डॉ. सई धुरी यांची ग्वाही.
गेले काही महिन्यांपासून गोळवण आरोग्य केंद्रातील रुग्णवाहिका चालका अभावी बंद असल्याने रुग्णांची गैरसोय होत होती. याची दखल गोळवणच्या समाजसेविका प्राजक्ता प्रमोद परब यांनी घेतली असून यासंदर्भात त्यांनी माजी. आमदार वैभव नाईक यांच्या माध्यमातून जिल्हा आरोग्य अधिकारी डाॅ. सई धुरी यांच्याशी चर्चा करून रुग्णवाहीका चालक उपलब्ध करून रुग्णवाहिका सेवा सुरू ठेवण्याच्या सुचना दिल्या.त्यानुसार डॉ. सई धुरी यांनी शासनाकडे पाठपुरावा करुन रुग्णवाहिका चालक नेमण्याचे आदेश काढले असून त्यामुळे आता गोळवण आरोग्य केंद्राची चालका अभावी बंद असणारी रुग्णवाहिका सेवा लवकरच पुन्हा एकदा सुरू होणार आहे.
Subscribe
