🌸📚 ज्ञानाच्या वाटेवर रोटरीची साथ! 📚🌸

कलेश्वर विद्यामंदिर, नेरूर येथील विद्यार्थ्यांना “आयडियल स्टडी ॲप”चे वितरण

रोटरी क्लब ऑफ कुडाळ आणि रोटरी क्लब ऑफ डोंबिवली सनसिटी यांचा संयुक्त उपक्रम

🤝 रोटरी क्लब ऑफ कुडाळ आणि रोटरी क्लब ऑफ डोंबिवली सनसिटी यांच्या संयुक्त विद्यमाने मंगळवारी श्री कलेश्वर विद्यामंदिर, नेरूर, ता. कुडाळ येथील इयत्ता दहावीमध्ये शिक्षण घेणाऱ्या २५ विद्यार्थ्यांना “आयडियल स्टडी ॲप”चे वितरण करण्यात आले.

💻📖 आधुनिक तंत्रज्ञानाच्या माध्यमातून विद्यार्थ्यांना अभ्यासाची नवी दिशा मिळावी, त्यांचा आत्मविश्वास वाढावा आणि दहावीच्या परीक्षेत उत्तम यश संपादन करता यावे, या उद्देशाने हा उपक्रम राबविण्यात आला.

या कार्यक्रमास रोटरी क्लब ऑफ कुडाळचे अध्यक्ष रो. मकरंद नाईक, गव्हर्नर एरिया एड रो.नीता गोवेकर, ज्येष्ठ रो. श्री. रविंद्र परब, प्रशालेच्या मुख्याध्यापिका सुनीती नाईक मॅडम, श्री शिवदास मसगे, श्री गोसावी सर श्री परुळेकर सर सौ.राऊळ मॅडम शिक्षक-शिक्षकेतर कर्मचारी तसेच विद्यार्थी उपस्थित होते.

🎯 यावेळी मार्गदर्शन करताना अध्यक्ष रो. मकरंद नाईक यांनी विद्यार्थ्यांना आवाहन केले की,
“आयडियल स्टडी ॲपचा जास्तीत जास्त उपयोग करून अभ्यासात सातत्य ठेवावे, दहावीच्या परीक्षेत उत्तम गुण मिळवावेत आणि भविष्यातील स्पर्धेच्या जगात आत्मविश्वासाने स्वतःला सिद्ध करावे.”

🌟 आजची डिजिटल शिक्षणाची संधी, उद्याच्या उज्ज्वल भविष्याची नांदी ठरो!

💐 रोटरी क्लब ऑफ कुडाळ

“Service Above Self” 🤝