कुडाळ : एस.के.पाटील शिक्षण प्रसारक मंडळ पाट संचलित माध्यमिक विद्यालय नेरूर माड्याचीवाडी ची पालक शिक्षक सभा नुकतीच पार पडली यावेळी एस.के.पाटील शिक्षक प्रसारक मंडळ पाट चे संचालक श्री राजेश सामंत यांनी माड्याचीवाडी विद्यालयाबद्दल गौरवउदगार काढले.यावेळी व्यासपीठावर संस्थासंचालक .श्री.महेश ठाकूर ,विद्यालयाचे मुख्याध्यापक श्री.अनंत सामंत, शिक्षक श्री.शामसुंदर राणे, श्री.राजेंद्र घाडीगावकर उपस्थित होते,तसेच माड्याचीवाडी विद्यालयातील विद्यार्थांचे जवळजवळ ७० पालक उपस्थित होते.सुरुवातीला विद्यालयातील शिष्यवृत्ती पात्र विद्यार्थिनी कुमारी प्राजक्ता जाधव व साजिदा नदाफ यांचे श्री राजेश सामंत व महेश ठाकूर यांच्या हस्ते गौरव करण्यात आले.त्यानंतर सहा.शिक्षक श्री राजेंद्र घाडीगावकर यांनी पालक शिक्षक संघाची रचना कशी असावी याबद्दल माहिती दिली व पालक शिक्षक संघ स्थापन करण्यात आला. श्री.अनंत मधुसूदन सामंत अध्यक्ष ,श्री.राजेंद्र विष्णू घाडीगावकर सचिव ,श्री.शामसुंदर राणे सदस्य , सौ.प्रगती निवतकर सदस्या,श्री.प्रवीण गणपत गावडे सदस्य ,सौ.दीप्ती परब सदस्या व श्री संदीप जाधव असा पालक शिक्षक संघ सन २०२६-२७ साठी स्थापन करण्यात आला.संस्था संचालक श्री महेश ठाकूर यांनी सध्या मोबाईल युगात आपल्या पाल्यांना मोबाईल पासून कसे दूर ठेवावे या विषयी मार्गदर्शन केले. शेवटी प्रशालेचे मुख्याध्यापक श्री.अनंत सामंत .यांनी शाळेमध्ये सुरु असलेले उपक्रम या विषयी माहिती पालकांना दिली. तसेच पालकांना महिन्यातून एकदा विद्यालयाला भेट द्या असे आवाहन केले.
Subscribe
