विजेच्या विविध समस्यांबाबत लक्ष वेधत उपअभियंता श्री. कांबळे यांना विचारला जाब
गेले अनेक कित्येक दिवस कट्टा व आजुबाजूच्या भागात स्मार्ट मीटरचा गंभीर प्रश्न निर्माण झाला आहे.त्यामुळे आज कट्टा येथील शिवसेना उद्धव बाळासाहेब ठाकरे पक्षाच्या वतीने पदाधिकारी कार्यकर्ते यांनी कट्टा वीज वितरण महामंडळाच्या कार्यालयात धडक देत अधिकाऱ्यांना जाब विचारला. वीज पुरवठा वारंवार खंडित होत असतो, गंभीर घटना घडल्यास अधिकारी उपलब्ध नसतात,नेहमी विजेचा लपंडाव सुरू असतो, फॉल्टी मीटरच्या नावाखाली स्मार्ट मीटर बसविले जात आहेत आणि वीज बिल तिनपटीने आकारले जाते. कोणत्याही ग्राहकांना पूर्वकल्पना सूचना न देता जुने मीटर काढून त्यावर नवीन स्मार्ट मीटर बदलले जात असल्याचे प्रकार घडत आहेत. नवीन स्मार्ट मीटरमुळे वीज बिल जास्त येत असून ग्राहकांची लूट केली जात आहे त्याबाबत शिवसेना पदाधिकाऱ्यांकडून वीज वितरणच्या अधिकाऱ्यांना जाब विचारण्यात आला. यापुढील काळात फॉल्टी मीटरच्या नावाखाली स्मार्ट मीटर बदलले गेले तर ते खपवून घेतले जाणार नाही. त्याचबरोबर जास्तीचे डिपॉझिट घेत असल्याचे निदर्शनास आणून दिले. असा भोंगळ कारभार पुन्हा घडल्यास शिवसेना उद्धव बाळासाहेब ठाकरे पक्षाच्या स्टाईलने तीव्र आंदोलन छेडण्यात येईल असा इशारा देण्यात आला. तसेच कोणत्याही ग्राहकाची तक्रार नसताना अदानी कंपनीचे कर्मचारी येऊन मीटर बदलून जातात यावरून अधिक आक्रमक होत मीटर बदलताना आढळल्यास चोप देण्यात येईल असे सांगण्यात आले.
गणेश चतुर्थी सण जवळ येत असून स्मार्ट मीटरमुळे वाढीव वीज बिल आलेल्या गरीब कुटुंबातील व्यक्तींनी करायचे काय असा प्रश्न विचारत आक्रमक पवित्रा घेत जो कोणी अदानी कंपनीचा कर्मचारी हे मीटर बदलत आहे त्याला तात्काळ बोलवून घेण्याची मागणी लावून धरत प्रश्नांचा भडीमार केला. यावेळी उपअभियंता श्री. कांबळे यांनी आपल्या मागणीनुसार सर्व काही समस्या असतील त्या सोडवल्या जातील असे सांगितले. वरिष्ठ पातळीवर संपर्क साधून स्मार्ट मीटरचा प्रश्न आहेत तो प्राधान्याने सोडवण्यात येईल असे सांगितले.
यावेळी शिवसेना उद्धव बाळासाहेब ठाकरे पक्षाचे उपतालुकाप्रमुख बाळ महाभोज, पेंडुर विभागप्रमुख शिवा भोजने, युवासेना विभागप्रमुख वंदेश ढोलम, ग्रामपंचायत सदस्य बाबू टेंबुलकर, शाखाप्रमुख पेंडुर निलेश हडकर, रमेश फाटक, अभय वाईरकर, गणेश वाईरकर, दीपक गुराम, राहुल मालवदे, बाळकृष्ण मसुरकर, देवा रेवडेकर, शेखर रेवडेकर, जगदीश मोरजकर आदी उपस्थित होते.
Subscribe1
/
90
तुमच्यापेक्षा आमचे नगरसेवक हुशार आहेत - निलेश राणे | Nilesh Rane #nileshrane #vaibhavnaik
आमच्यासाठी आमचा धर्म मोठा... राजकारण नाही - निलेश राणे | Nilesh Rane #nileshrane
लॉरेन्स मान्येकर हिंदू विरोधी असतील तर वडिलांना सांगून त्यांची पक्षातून हकालपट्टी करून दाखवा
हिंदू धर्म पोखरायला निघालेल्या माणसाचा पुळका वैभव नाईकांना कशासाठी - आ. निलेश राणे #nileshrane
पिग्मी एजंटावरील जाचक जीआरची होळी करणार - सुशांत नाईक #sindhudurg #kankavali
कुडाळात अवकाळी पावसाची हजेरी... बालगोपाळांनी घेतला पावसात भिजण्याचा आनंद #kudal
आता विकासाचा बॅकलॉग भरून काढण्यासाठी बळ देणार - आमदार प्रमोद जठार #pramodjathar
यांना आताच्या आता सभेतून बाहेर काढा आमदार निलेश राणे संतापले | Nilesh Rane #nileshrane
पालकमंत्री नितेश राणे यांना एक महिन्याची शिक्षा, व एक लाखाचा दंड! #niteshrane #sindhudurg
पालकमंत्री नितेश राणे यांच्या टोल माफीच्या भूमिकेचे स्वागत! - वैभव नाईक | Vaibhav Naik #vaibhavnaik
एम.एच. ०७ च्या कोणत्याही गाडीला टोल लागणार नाही #niteshrane #sindhudurg
तुमच्या आंदोलनात धमक नाही!" – वैभव नाईक यांचा निलेश राणेंना टोला #vaibhavnaik #nileshrane
1
/
90
