कपडयाला आग लागून जखमी झालेल्या महिलेचा उपचारादरम्यान मृत्यू

Views: 468

दिवाबत्ती करत असताना कपड्याला लागली होती आग

सावंतवाडी : दिवाबत्ती लावत असताना कपड्यांना आग लागून गंभीर जखमी झालेल्या माडखोल-धवडकी येथील महिलेचे उपचारादरम्यान निधन झाले. सुनिता अनिल कोरगावकर (वय ५६) असे तिचे नाव आहे. आज याबाबत सावंतवाडी पोलीस ठाण्यात आकस्मिक मृत्यूची नोंद करण्यात आली

ही घटना ३० एप्रिलला तिच्या राहत्या घरी घडली होती. मात्र उपचारादरम्यान तिची प्राणज्योत मालवली. मृत झालेल्या सुनीता हीची काही दिवस मानसिक स्थिती बरोबर नव्हती. यासाठी त्या उपचार घेत होत्या. ३० तारखेला त्या घरात देवासाठी दिवाबत्ती लावत असताना त्यांच्या कपड्यांना आग लागली व त्या गंभीररित्या भाजल्या. त्यांना अधिक उपचारासाठी सावंतवाडी व त्यानंतर गोवा-बांबुळी येथे दाखल करण्यात आले होते. परंतु उपचार दरम्यान त्यांचे निधन झाले.

Related Posts

error: Content is protected !!