मुळदे गावात विक्रमी रक्तदान शिबिर उत्साहात संपन्न: महिलांचा लक्षणीय सहभाग
मुळदे ग्रामस्थ, मुळदे ग्रामपंचायत आणि कोकणीरायी सामाजिक संस्था, सिंधुदुर्ग यांच्या संयुक्त विद्यमाने आज मुळदे गावात भव्य रक्तदान शिबिराचे आयोजन करण्यात आले. या शिबिरास ब्लड बँक, सिंधुदुर्ग (ओरोस) यांचे मोलाचे सहकार्य लाभले. विशेष म्हणजे, मुळदे गावात आयोजित करण्यात आलेले हे पहिलेच रक्तदान शिबिर होते, ज्याला ग्रामस्थांनी उत्स्फूर्त प्रतिसाद दिला. या शिबिरामध्ये ४० पेक्षा जास्त रक्तदात्यांनी रक्तदान करून सामाजिक बांधिलकीचे दर्शन घडवले. यामध्ये महिलांचा सहभाग लक्षणीय आणि प्रेरणादायी होता, हे विशेष. महिलांनी मोठ्या संख्येने पुढे येऊन रक्तदान केल्याने या शिबिराला एक वेगळेच महत्त्व प्राप्त झाले.
या यशस्वी आयोजनाबद्दल कोकणीरायी सामाजिक संस्थेने मुळदे ग्रामस्थ आणि मुळदे ग्रामपंचायत यांचे मनःपूर्वक आभार मानले आहेत. या शिबिरामुळे समाजात रक्तदान चळवळीला प्रोत्साहन मिळेल आणि अनेकांना जीवनदान मिळेल, असा विश्वास आयोजकांनी व्यक्त केला.
Subscribe
