कणकवली : कणकवली शहरातील पमाज सिटी सेंटर च्या बाजूच्या चिकन मटण सेंटरवर खरेदीला आलेल्या गिऱ्हाईकने मटण विक्रेत्याचा मोबाईलच चोरून नेल्याची घटना रविवार 25 मे रोजी घडली. ही घटना सीसीटीव्ही मध्ये सुद्धा रेकॉर्ड झाली आहे. रविवार म्हटले की खवय्यांचा चिकन मटणाचा बेत ठरलेलाच असतो. चिकन सोबतच काही खवय्ये कलेजी पेठा, कोंबड्यांचे पाय सुदधा खरेदी करतात. 25 मे रोजी दुपारी सव्वा दोन ते अडीच वाजण्याच्या दरम्यान आलेल्या एका गिऱ्हाईकने कोंबड्यांचे पाय खरेदी केले. दरम्यान कोणाचेही लक्ष नाही हे हेरून त्या गिऱ्हाईकाने कोणाच्याही नकळत मटण विक्रेत्याचा मोबाईल चोरून आपल्या खिशात घालत निघून गेला. काही वेळाने मटण विक्रेत्याने आपला मोबाईल शोधला असता त्याला सापडून आला नाही. लागलीच दुकानातील सीसीटीव्ही फुटेज तपासले असता गिऱ्हाईक म्हणून आलेल्या व्यक्तीनेच मोबाईल चोरी केल्याचे दिसून आले. त्यानंतर त्या मटण विक्रेत्याने कणकवली पोलीस ठाणेही गाठले. मोबाईल हँडसेट चोरीचा तक्रार अर्जही पोलीस ठाण्यात दिल्याचे पोलिसांकडून सांगण्यात आले.
Subscribe
