दोडामार्ग : तिलारी नदीच्या साटेली भेडशी येथील नदीपात्रात मृतावस्थेत मगर आढळून आली आहे. मात्र ही मगर जिलेटीन स्फोट घातल्यामुळे मरण पावली की अन्य कोणत्या कारणामुळे हे मात्र अद्याप स्पष्ट झाले नाही .
याबाबत अशी माहिती की साटेली भेडशी ग्रामपंचायतच्या नळपाणी विहिरी शेजारील तिलारीच्या नदीपात्रात एक मगर मृतावस्थेत निदर्शनास आली . यावेळी ही मगर कशामुळे मृत पावली हे अद्याप स्पष्ट झाले नसले तरी मासेमारी करण्यासाठी तिलारी नदीत जिलेटीन स्फोट करून मासे मारले जातात. मासे मारण्यासाठी केलेल्या जिलेटिन स्फोटामुळे ही मगर मरण पावली असावी अशी चर्चा आता पसरू लागली आहे. मात्र मासे मारण्यासाठी टाकलेल्या जिलेटीन स्फोटामुळे ही मगर मरण पावली की अन्य कोणत्या कारणामुळे ? हे मात्र स्पष्ट झाले नाही.
Subscribe
