Oplus_131072

महायुतीमध्ये कोणाची लागणार मंत्रिमंडळात वर्णी

Post Views: 124

संभाव्य मंत्रिमंडळ पहिल्या टप्प्याची यादी आली समोर

महत्वाची खाती कोणाकडे?

मुंबई प्रतिनिधी: बहुचर्चित आणि बहुप्रतिक्षित मंत्रिमंडळ विस्ताराचा तिढा अद्याप सुटलेला दिसत नाही.तरी देखील पुढे होऊ घातलेल्या मंत्रिमंडळ विस्ताराच्या शपथविधी मधे आणि एकूणच पहिल्या टप्प्यातील मंत्रिमंडळ विस्तारात नेमकी कोणाची वर्णी लागणार याकडे संपूर्ण महाराष्ट्राचे लक्ष लागून राहिले आहे.सूत्रांकडून मिळालेल्या माहितीनुसार, महायुती सरकारचा मंत्रिमंडळ विस्ताराचा फॉर्म्युला ठरला आहे.

उपमुख्यमंत्री अजित पवार यांच्याकडे गृहनिर्माण खाते

भाजप 21, शिवसेना 13, आणि राष्ट्रवादी काँग्रेस अजित पवार गटाचे 9 मंत्री अशा एकूण 43 मंत्र्यांचा फॉर्म्युला जवळपास निश्चित झाला आहे, अशी माहिती सूत्रांनी दिली आहे. विशेष म्हणजे मंत्रिमंडळ विस्ताराच्या पहिल्या टप्प्यात भाजपचे 17, शिवसेनेचे 10 आणि राष्ट्रवादी काँग्रेस 7 मंत्री शपथ घेतील, अशी माहिती सूत्रांकडून मिळत आहे. यामधील आणखी एक मोठी बातमी म्हणजे उपमुख्यमंत्री एकनाथ शिंदे यांच्याकडे दोन मोठी खाती असणार आहेत. यामध्ये नगरविकास विभाग आणि महसूल विभाग यांचा समावेश आहे. तर उपमुख्यमंत्री अजित पवार यांच्याकडे गृहनिर्माण आणि सार्वजनिक बांधकाम विभागाचं खातं असणार असल्याची माहिती सूत्रांनी दिली आहे. तर मुख्यमंत्री देवेंद्र फडणवीस यांचा याबाबत त्यापेक्षा वरचष्मा असणार आहे. कारण त्यांच्याकडे गृह आणि अर्थ ही दोन्ही महत्त्वाची आणि ताकदवान खाती असण्याची शक्यता आहे.

पहिल्या टप्प्यात 34 ते 35 मंत्री हे शपथ घेणार

मंत्रिमंडळ विस्तारासाठी गेल्या दोन दिवसांपासून बैठकांची मालिका अखेर पूर्ण झाली आहे. मुख्यमंत्री देवेंद्र फडणवीस हे दिल्ली दौऱ्यावर गेले होते. ते आज अखेर मुंबईत परतले आहेत. तसेच मुंबईतही भेटीगाठींचं सत्र आज रात्रीपर्यंत सुरुच होतं. भाजपचे प्रदेशाध्यक्ष चंद्रशेखर बावनकुळे यांनी आज संध्याकाळी एकनाथ शिंदे यांची वर्षा निवासस्थानी जावून भेट घेतली आहे. यावेळी दोन्ही नेत्यांमध्ये मंत्रिमंडळ बैठकीबाबत चर्चा झाल्याची माहिती आहे. सूत्रांनी दिलेल्या माहितीनुसार, पहिल्या टप्प्यात 34 ते 35 मंत्री हे शपथ घेणार असल्याची माहिती आहे.नव्या मंत्र्यांचा 14 डिसेंबरला शपथविधीयेत्या 14 डिसेंबरला महायुती सरकारच्या पहिल्या टप्प्यातील मंत्र्यांचा मंत्रिमंडळ विस्तार होऊन त्यांचा शपथविधीचा कार्यक्रम पार पडणार असल्याची दाट शक्यता आहे. उपमुख्यमंत्री अजित पवार यांनी स्वत: याबाबत माहिती दिली आहे.

शिंदे गटात नव्या चेहऱ्यांना संधी

या मंत्रिमंडळ विस्तारात देवेंद्र फडणवीस यांच्याकडे गृहखातं आणि अर्थ खातं राहणार आहे. तर एकनाथ शिंदे यांच्या शिवसेनेत मंत्रिमंडळासाठी नव्या चेहऱ्यांना संधी दिली जाण्याची दाट शक्यता आहे. यामध्ये आमदार भरत गोगावले, आमदार संजय शिरसाट, आमदार आशिष जैस्वाल यांना नव्याने संधी मिळणार आहे. तर माजी मंत्री दीपक केसरकर, अब्दुल सत्तार यांचा डच्चू मिळण्याची दाट शक्यता आहे.

भाजपचे संभाव्य मंत्री

चंद्रशेखर बावनकुळे,चंद्रकांत पाटील,सुधीर मुनगंटीवार,गिरीश महाजन ,रवींद्र चव्हाण ,प्रवीण दरेकर,मंगलप्रभात लोढा,बबनराव लोणीकर, पंकजा मुंडे,आशिष शेलार किंवा योगेश सागर,संभाजी निलंगेकर,जयकुमार रावल,शिवेंद्रराजे भोसले,नितेश राणे ,विजयकुमार गावित, देवयानी फरांदे किंवा राहुल आहेर,राहुल कुल,माधुरी मिसाळ,संजय कुटे,गोपीचंद पडळकर

शिवसेनेच्या संभाव्य मंत्र्यांची यादी

दादा भुसे,उदय सामंत,शंभूराज देसाई,गुलाबराव पाटील, निलेश राणे,अर्जुन खोतकर,भरत गोगावले,संजय शिरसाट,राजेश क्षीरसागर,आशिष जैस्वाल,प्रताप सरनाईक, प्रकाश सुर्वे ,योगेश कदम,बालाजी किणीकर,प्रकाश आबिटकर

राष्ट्रवादी काँग्रेसमध्ये कोणाला मिळणार मंत्रि‍पदे ?

अजित पवार यांच्या राष्ट्रवादी काँग्रेसकडून शनिवारी चार ते पाच मंत्री शपथ घेण्याची शक्यता आहे. त्यामध्ये धनंजय मुंडे, आदिती तटकरे, छगन भुजबळ, संजय बनसोडे, नरहळी झिरवळ यांचा समावेश असल्याची शक्यता आहे. पुढच्या टप्प्यात अनिल पाटील, दत्ता भरणे, मकरंद पाटील आणि इंद्रनील नाईक यांच्या गळ्यात मंत्रि‍पदाची माळ पडण्याची शक्यता आहे.

Related Posts

error: Content is protected !!