🌿 सेवेतून समाधान… शिक्षणाला नवी दिशा! 🌿

नाथपंथी ऐक्यवर्धक मंडळ, बोर्डवे संचलित आश्रम शाळा, बोर्डवे या अतिशय ग्रामीण भागातील प्रशालेमध्ये विद्यार्थ्यांच्या शैक्षणिक सोयीसाठी बेंच-डेक्स वितरणाचा सेवाभावी उपक्रम राबविण्यात आला.

रोटरी डिस्ट्रिक्ट 3170 च्या डिस्ट्रिक्ट ग्रँट अंतर्गत, डिस्ट्रिक्ट गव्हर्नर सन्माननीय श्री. अरुण भंडारे सर (२५-२६)यांच्या मार्गदर्शनातून मंजूर झालेले हे बेंच-डेक्स रोटरी क्लब ऑफ कुडाळच्या माध्यमातून विद्यार्थ्यांना प्रदान करण्यात आले.

या बेंच-डेक्सवर बसून उद्याची स्वप्ने पाहणाऱ्या या चिमुकल्या विद्यार्थ्यांच्या चेहऱ्यावरील आनंद म्हणजेच या उपक्रमाचे खरे यश आहे. ❤️

शिक्षणासाठी आवश्यक असलेली एक छोटीशी सुविधा एखाद्या विद्यार्थ्याच्या आत्मविश्वासाला मोठी उभारी देऊ शकते. ग्रामीण भागातील या विद्यार्थ्यांना अधिक चांगल्या वातावरणात शिक्षण घेता यावे, यासाठी रोटरीने केलेला हा प्रयत्न निश्चितच मनाला समाधान देणारा आहे.

या कार्यक्रमास रो. प्रणय तेली – डिस्ट्रिक्ट सेक्रेटरी, रो. शशिकांत चव्हाण – झोनल कोऑर्डिनेटर, रो. मकरंद नाईक – अध्यक्ष, रोटरी क्लब ऑफ कुडाळ, रो. राकेश म्हाडदळकर – सेक्रेटरी रोटरी क्लब ऑफ कुडाळ, रो. एकनाथ पिंगुळकर, तसेच संस्थेचे अध्यक्ष श्री. लवू गोसावी साहेब,शाळेचे मुख्याध्यापक श्री. आनंद कर्पे सर शिक्षक-शिक्षिका, कर्मचारी, पालक आणि विद्यार्थी उपस्थित होते.

या प्रकल्पासाठी आवश्यक असलेले बेंच-डेक्स मिळवून देण्यासाठी माजी अध्यक्ष रो. राजीव पवार यांचेही विशेष योगदान लाभले. त्यांच्या प्रयत्नांबद्दल मनःपूर्वक आभार! 🙏

“स्वतःसाठी जगणारे अनेक असतात…
पण इतरांच्या आयुष्यात आनंद आणि संधी निर्माण करण्यासाठी जगणारेच खरे सेवाभावी असतात.”

आज या आश्रम शाळेतील विद्यार्थ्यांना मिळालेले बेंच-डेक्स हे केवळ बसण्यासाठीचे साधन नाही, तर त्यांच्या शिक्षणाच्या प्रवासाला मिळालेला एक छोटासा आधार आणि त्यांच्या उज्ज्वल भविष्यासाठी रोटरीने दिलेला विश्वासाचा हात आहे. 🌱📚

रोटरीचे “Service Above Self” हे ब्रीद पुन्हा एकदा प्रत्यक्ष कृतीतून सिद्ध झाले.

सेवा अशीच सुरू राहो…
शिक्षणाची ज्योत अशीच तेवत राहो…
आणि या चिमुकल्या डोळ्यांतील स्वप्ने उद्या सत्यात उतरू देत! ❤️🙏

रो. मकरंद नाईक
(अध्यक्ष, रोटरी क्लब ऑफ कुडाळ)