अन्नसुरक्षा नविन कायदे माहिती व प्रशिक्षण शिबीराचे २९ जून रोजी मराठा समाज हॉल, कुडाळ येथे आयोजन

Views: 7

तळेरे

सिंधुदुर्ग जिल्ह्यातील सर्व हॉटेल, व्यावसायिक, खानावळ किरकोळ विक्री करणारे बेकरी, केक शॉप, मिठाई, किराणा व्यापारी, चायनीज सेंटर, कोकणी मेवा, वडापाव सेंटर, तसेच अन्य खाद्यपदार्थ विक्रेत्या व्यावसायिकांना अन्नपदार्थांचे पॅकेजिंगबाबत व बदललेल्या अन्नसुरक्षा नियमांबाबत संपूर्ण कार्यक्रमाचे माहिती देण्यासाठी सिंधुदुर्ग जिल्हा व्यापारी महासंघा तर्फे माहिती व मार्गदर्शन शिबिर सोमवार दिनांक २९ जून २०२६, सायंकाळी ४.०० वाजता मराठा समाज हॉल, कुडाळ हायस्कूल शेजारी, कुडाळ येथे आयोजित करण्यात आले आहे.

    या कार्यक्रमाला जिल्ह्याचे अन्नसुरक्षा प्रशासनाचे उपायुक्त श्री. गायकवाड, अन्नसुरक्षा निरीक्षक अभय चंदनशिवे  तसेच महासंघाचे पदाधिकारी उपस्थित राहून मार्गदर्शन करणार आहेत. 

   प्रत्यक्ष माहिती आणि प्रश्न उत्तरामुळे या प्रशिक्षणाचा फायदा होईल व दंडात्मक कारवाई टाळता येईल. तरी सिंधुदुर्ग जिल्ह्यातील अन्न व खाद्यपदार्थां संबंधित सर्व व्यापाऱ्यांनी या शिबिराला उपस्थित राहून मार्गदर्शनाचा लाभ घ्यावा असे आवाहन सिंधुदुर्ग जिल्हा व्यापारी महासंघाचे अध्यक्ष संजय सावंत तसेच कार्यवाह चंद्रकांत उर्फ राजू जठार यांनी केले आहे.

Related Posts

error: Content is protected !!