आगीत होरपळून सेवानिवृत्त बँक कर्मचाऱ्याचा मृत्यू

Views: 285

बांदा : आरोसबाग परिसरात थंडीपासून बचावासाठी घेतलेल्या शेकोटीत होरपळून एका सेवानिवृत्त बँक कर्मचाऱ्याचा दुर्दैवी मृत्यू झाल्याची घटना आज पहाटे घडली. अविनाश दत्ताराम चांदेकर (वय ६५) असे मृत व्यक्तीचे नाव आहे.

प्राप्त माहितीनुसार, अविनाश चांदेकर हे आपल्या घराजवळ शेकोटी घेत असताना अचानक आग भडकली. यात ते गंभीररीत्या होरपळले. ही बाब लक्षात येताच परिसरातील नागरिकांनी तातडीने मदतीचा प्रयत्न केला; मात्र तोपर्यंत त्यांचा मृत्यू झाल्याचे निष्पन्न झाले.

अविनाश चांदेकर हे येथील श्री स्वामी विवेकानंद सहकारी पतसंस्थेच्या बांदा शाखेत शिपाई पदावर कार्यरत होते. काही वर्षांपूर्वी ते सेवानिवृत्त झाले होते. त्यांच्या आकस्मिक निधनाने परिसरात हळहळ व्यक्त होत आहे.

घटनेची माहिती मिळताच बांदा पोलीस घटनास्थळी दाखल झाले असून, मृतदेहाचा पंचनामा करून पुढील तपास सुरू आहे.

Related Posts

error: Content is protected !!