मळगाव येथे ट्रक व दुचाकी यांच्यात भीषण अपघात

Views: 801

ट्रकने दुचाकीला चिरडले

सावंतवाडी : भरधाव वेगाने जाणाऱ्या ट्रकने दुचाकीला जोरदार धडक दिल्याने दुचाकीस्वार गंभीर जखमी झाला. ही घटना आज दुपारी सुमारे बारा वाजता मळगाव-वेत्ये येथील चॉकलेट फॅक्टरीसमोर घडली.

जखमी दुचाकी चालकाला तात्काळ रिक्षामधून उपजिल्हा रुग्णालयात दाखल करण्यात आले असून त्याच्यावर उपचार सुरू आहेत. अपघातातील जखमीची ओळख अद्याप पटलेली नाही.

या अपघाताची माहिती वेत्ये येथील सरपंच गुणाजी गावडे यांनी दिली. त्यांनी सांगितले की, मुंबई-गोवा हायवेवर वारंवार अपघात घडत असताना त्या ठिकाणी अॅम्बुलन्सची सोय नसल्याने जखमींना वेळेत मदत मिळण्यात अडचणी येतात. त्यामुळे या भागात कायमस्वरूपी अॅम्बुलन्स सेवा उपलब्ध करून द्यावी, अशी मागणी त्यांनी केली आहे.

Related Posts

error: Content is protected !!