नगराध्यक्षा प्राजक्ता शिरवलकर आपत्कालीन यंत्रणेसह तत्काळ घटनास्थळी दाखल
कुडाळ : गेले काही दिवस सुरू असलेल्या मुसळधार पावसामुळे काल रात्री कुडाळ – नाबरवाडी येथे रस्त्यावर झाड कोसळले. ही बातमी कळताच कुडाळ नगराध्यक्षा प्राजक्ता शिरवलकर घटनास्थळी नगरपंचायतीच्या आपत्कालीन यंत्रणेसह तत्काळ दाखल झाल्या.
काल रात्रीच्या सुमारास कुडाळ – नाबरवाडी येथील बगळे सर यांच्या घरावर झाड कोसळले. ही बातमी कळताच कुडाळ नगराध्यक्षा प्राजक्ता शिरवलकर नगरपंचायतची आपत्कालीन यंत्रणा घेऊन दाखल होत मदतकार्य सुरू केले. यावेळी शिवसेना उपजिल्हाप्रमुख आनंद शिरवलकर, नगरसेविका श्रेया गवंडे, राजू गवंडे, अमित शिरसाट आणि ग्रामस्थ उपस्थित होते.
रस्त्यावर पडलेले झाड आकाराने खूप मोठे असल्यामुळे काल रात्री ताबडतोब रस्त्याचा अर्धा भाग मोकळा करण्यात आला. तर आज सकाळी उर्वरित झाड तोडून रस्ता पूर्णपणे मोकळा करण्यात आला. कुडाळ नगराध्यक्षांच्या या कार्यतत्परतेबद्दल सर्वत्र त्यांचे कौतुक होत आहे.
Subscribe
