दहावी बारावी परीक्षेचे वेळापत्रकच नाही तर सर्व माहिती मिळणार “या” ॲपवर
कुडाळ प्रतिनिधी : दहावी बारावीच्या विद्यार्थ्यांसाठी महत्वाची बातमी.आता केवळ वेळापत्रकच नाही तर राज्यमंडळाच्या दहावी-बारावी परीक्षेसंबंधी आवश्यक माहिती, परिपत्रके व अनुषंगिक सुविधा यासाठी मंडळाने मोबाईल ॲप विकसित केले असून, बोर्ड परीक्षेची माहिती मिळवणे यामुळे सुलभ झाले आहे. विद्यार्थी- पालक, शाळा, कर्मचारी यांच्यासाठी ॲप उपयुक्त ठरणार आहे.फेब्रुवारी-मार्च २०२५ मध्ये आयोजित करावयाच्या उच्च माध्यमिक प्रमाणपत्र इ. १२ वी व माध्यमिक शालांत प्रमाणपत्र इ. १० वी परीक्षांची अंतिम वेळापत्रके राज्य मंडळाच्या www.mahahsscboard.in या अधिकृत संकेतस्थळावर दि. २१ नोव्हेंबरपासून उपलब्ध करून देण्यात आली आहेत.
गणित व विज्ञानाच्या तीव्रतेचा निकषात कोणताही बदल नाही
या शिवाय चालू वर्षाच्या परीक्षेत गणित व विज्ञानाच्या तीव्रतेचा निकषात कोणताही बदल नसल्याचे मंडळाने पत्रकात म्हटले आहे.मंडळामार्फत विद्यार्थी, शाळा, कनिष्ठ महाविद्याल यांच्या सोईसाठी MSBSHSE ho-ndroid Mobile-Application विकसित करण्यात आलेले असून ते Google Play Store Download करण्याकरता उपलब्ध करून देण्यात आले आहे. या ॲपमध्ये मंडळामार्फत नुकतेच प्रसारित करण्यात आलेली इ. १० वी व इ.१२वी फेब्रुवारी मार्च २०२५ परीक्षेची वेळापत्रके, त्याचप्रमाणे विद्याथ्यांसाठी मार्च २०२४ परीक्षेच्या ठराविक विषयाच्या प्रश्नपत्रिका, तसेच विविध परिपत्रके शाळा, कनिष्ठ महाविद्यालयांना उपलब्ध होतील.
गणित ,विज्ञान विषयांकरता मंडळाच्या प्रचलित पद्धतीप्रमाणेच उत्तीर्णतेचे निकष
महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२५ मध्ये घेण्यात येणाऱ्या माध्यमिक शालान्त प्रमाणपत्र इ. १० वी परीक्षेत गणित आणि विज्ञान या विषयांकरता मंडळाच्या प्रचलित पद्धतीप्रमाणेच उत्तीर्णतेचे निकष असणार आहेत. ज्या वर्षी या निकषात बदल होतील त्यावेळी मंडळामार्फत स्वतंत्ररित्या कळवण्यात येईल, याची नोंद सर्व शाळा, मुख्याध्यापक, शिक्षक, विद्यार्थी, पालक व अन्य संबंधीत घटक यांनी घ्यावी, असेही स्पष्ट करण्यात आले आहे.या बाबींची नोंद कार्यकक्षेतील सर्व शाळा, कनिष्ठ महाविद्यालये यांनी घेऊन कार्यवाही करावी, अशा सूचना बोर्डामार्फत देण्यात आल्या आहेत. या ॲप संदर्भात काही तांत्रिक अडचणी निर्माण झाल्यास गणकयंत्र विभाग, राज्य मंडळ, पुणे यांच्याशी संपर्क साधण्याचे आवाहनही बोर्डामार्फत करण्यात आले आहे.
ॲप कुठून डाउनलोड करावा?
ॲप गुगल प्ले स्टोअरवर मोफत उपलब्ध होणार आहे. विद्यार्थी शाळा व कर्मचाऱ्यांसाठी लॉगिन उपलब्ध होणार आहे. नमुना प्रश्नपत्रिका वेळापत्रक निकाल यासह अनुषंगिक बाबी विद्यार्थ्यांसाठी उपलब्ध होणार आहेत. फी परतावा, अंतर्गत व प्रात्यक्षिक परीक्षा गुण यासह अनुषंगिक सुविधा शाळांसाठी उपलब्ध होणार आहेत. याशिवाय अन्य अद्ययावत सर्वसाधारण माहिती सर्वांसाठी लॉगिनशिवाय उपलब्ध होणार आहे.
Subscribe1
/
50
जिल्हा परिषदेवर महायुतीचीच सत्ता येईल - उदय सामंत | Udya Samant #udaysamant
सिंधुदुर्ग जिल्ह्यात आम्ही राणे साहेबांच्या मार्गदर्शनाखालीच काम करणार - दत्ता सामंत #nileshrane
आपली ही कार्यकर्त्यांसाठी झटण्याचा वेळ - निलेश राणे | Nitesh Rane #niteshrane
जंगलमय भागात सडलेला मृतदेह; केवळ हाडेच शिल्लक
महेंद्रा अकॅडमी कुडाळचा प्रथम वर्धापन दिन उत्साहात संपन्न
रस्त्याच्या दुरावस्थेवरून वेताळ बांबर्डे ग्रामस्थांची सा. बा. कुडाळ कार्यालयाला धडक
हिंमत असेल तर सिंधुरत्न योजना पुन्हा सुरू करून दाखवा - वैभव नाईक #vaibhavnaik #ajitpawar
ग्राहकांच्या भेटीला येतोय नवा Reno 14 Pro mobilelaunch #smartphone #tech #innovation #newphone
शेवटच्या श्वासापर्यंत आशिष पाटील सरांचे उपकार विसरणार नाही #ashishpatil #dikshanaik
माणगाव खोऱ्यात पुराच्या पाण्यात मोटारसायकलस्वार गेला वाहून #viralvideo #reels #ytshorts #shorts
नामदार नितेश राणे यांचा वाढदिवस असंख्य कार्यकर्त्यांच्या उपस्थितीत उत्साहात साजरा #niteshrane
पालकमंत्री नितेश राणे यांना वाढदिवसाच्या हार्दिक शुभेच्छा! शुभेच्छुक : श्री. रुपेश कानडे
1
/
50
