परभणी येथे संविधानाच्या प्रतिकृतीची विटंबना करणाऱ्यावर राजद्रोहाचा गुन्हा दाखल करा
माजी समाजकल्याण सभापती अंकुश जाधव यांची मागणी
सिंधुदुर्ग : परभणी जिल्हाधिकारी कार्यालयामोरील भारतरत्न डॉ. बाबासाहेब आंबेडकर यांच्या पुतळ्या जवळील जगातील सर्वात मोठे असा गौरव केले जाणाऱ्या भारतीय संविधानाच्या प्रतिकृती च्या प्रतीची मंगळवारी 10 डिसेंबर रोजी संध्याकाळी सोपान दत्तराव पवार या व्यक्तीने विटंबना केली. या घटनेचे तीव्र पडसाद राज्यभारत उमटत आहे. ही घटना निंदनीय आहे याचा आम्ही निषेध करत आहोत. या घटनेचा जलद गतीने तपास करून दोषीवर राजद्रोहाचा गुन्हा दाखल अशी मागणी राज्याचे मुख्यमंत्री माननीय देवेंद्र फडणवीस यांच्या कडे निवेदनाद्वारे माजी समाजकल्याण सभापती तथा जिल्हा भाजपा प्रवक्ते अंकुश जाधव यांनी केली आहे.
निवेदन आमदार नितेश राणे यांच्या द्वारे मुख्यमंत्री फडणवीस जाधव साहेब यांना सादर केले जाणार आहे.
यात माजी सभापती यांनी भारतीय संविधान प्रतिकृती च्या प्रतीची परभणी येथे समाजकंटकाने 10 डिसेंबर 2024 रोजी संध्याकाळी विटंबना केली होती. त्यामुळे नागरिकांच्या भावना दुखावल्या गेल्या आहेत.तसेच हा संविधानाचा ही अवमान आहे.त्यामुळे या घटनेचे तीव्र पडसाद राज्यभरायत उमटले अहेत.परभणी रेल्वे गेट सुद्धा आक्रमक आंदोलकानी बंद केली. नागरिक म्हणून आम्ही संविधानचा अवमान सहन करणार नाही.संविधानाप्रति प्रत्येकाने आदर आणि प्रामाणिक असायलाच हवं.मात्र काही समाजकंटक अशी निंदनीय देशविरोधी कृत्य करत आहेत.अशा समाज द्रोह्यावर राजद्रोहाचा खटला दाखल करावा.म्हणजे भविष्यात अशी कृत्य कोणीच करणार नाही.
सिंधुदुर्ग जिल्ह्यातील नागरिकांच्या वतीने या घटनेचा आम्ही तीव्र शब्दात निषेध व्यक्त करत आहोत.आमच्या भावना लक्षात घेऊन दोषीवर कडक कारवाई करावी अशी विनंती मुख्यमंत्री महोदय माननीय फडणवीस यांचेकडे करीत आहोत.असे निवेदनात माजी सभापती तथा जिल्हा भाजपा प्रवक्ते अंकुश जाधव यांनी म्हटले आहे.
Subscribe
