कुडाळ : कुडाळ तालुक्यातील पिंगुळी मुस्लिमवाडी येथे बरकत अली दाऊद खान (वय ३८) या व्यक्तीने आज, सोमवारी सकाळी आपल्या राहत्या घरात गळफास घेऊन आत्महत्या केली. या घटनेमुळे संपूर्ण परिसरात हळहळ व्यक्त होत आहे.
मिळालेल्या माहितीनुसार, बरकत अली खान यांनी सकाळी ११ च्या सुमारास घरातील स्वयंपाकघरात छताला असलेल्या लोखंडी पाईपला ओढणीच्या साहाय्याने गळफास लावून घेतला. ही घटना लक्षात आल्यानंतर तात्काळ याबाबतची माहिती कुडाळ पोलिसांना देण्यात आली. पोलिसांनी घटनास्थळी धाव घेत पंचनामा केला.
आत्महत्येमागील नेमके कारण अद्याप स्पष्ट झालेले नाही. कुडाळ पोलीस ठाण्याचे सहाय्यक पोलीस फौजदार जाधव या प्रकरणाचा पुढील तपास करत आहेत. बरकत अली खान यांच्या आत्महत्येमुळे पिंगुळी गावात शोककळा पसरली आहे. त्यांच्या पश्चात आई, पत्नी आणि दोन मुले असा परिवार आहे.
Subscribe
