‘कर्तृत्ववान स्त्री शक्ती उद्योगिनी महाराष्ट्र’ पुरस्काराने सन्मानित;
पिंगुळीच्या शिरपेचात मानाचा तुरा
केतन शिरोडकर /पिंगुळी
कष्ट, जिद्द आणि कर्तृत्वाच्या जोरावर आपल्या कार्याची वेगळी ओळख निर्माण करणाऱ्या पिंगुळीच्या कन्या मृणाल सावंत यांना राज्यस्तरीय ‘कर्तृत्ववान स्त्री शक्ती उद्योगिनी महाराष्ट्र पुरस्कार’ प्रदान करून गौरविण्यात आले. त्यांच्या या सन्मानामुळे पिंगुळी गावाच्या नावलौकिकात भर पडली असून, त्यांच्या यशाचे सर्वत्र कौतुक होत आहे.
राज्यस्तरीय पुरस्कार सोहळ्यात मृणाल सावंत यांना हा मानाचा पुरस्कार प्रदान करण्यात आला. यावेळी श्री रामकृष्ण आरोग्य संस्थानचे प्रवर्तक तथा जागृत नाशिक भारत अभियानचे अध्यक्ष स्वामी श्रीकंठानंद, डॉ. सुनीता मोडक, सहाय्यक धर्मादाय आयुक्त अनामिका मावतळे यांच्यासह विविध क्षेत्रांतील अधिकारी व मान्यवर उपस्थित होते. या मान्यवरांच्या उपस्थितीत मृणाल सावंत यांचा सन्मान करण्यात आला.
महिलांच्या कर्तृत्वाचा गौरव करणारा हा पुरस्कार मृणाल सावंत यांच्या कार्याला मिळालेली महत्त्वपूर्ण पोचपावती मानली जात आहे. त्यांच्या या यशामुळे गावातील महिलांसह नव्या पिढीलाही प्रेरणा मिळणार आहे. स्थानिक पातळीवरून राज्यस्तरावर मिळालेल्या या सन्मानामुळे पिंगुळीच्या शिरपेचात आणखी एक मानाचा तुरा रोवला गेला आहे.
मृणाल सावंत यांना मिळालेल्या या गौरवाबद्दल त्यांचे सर्व स्तरांतून अभिनंदन होत असून, त्यांच्या पुढील वाटचालीसाठी शुभेच्छा व्यक्त केल्या जात आहेत.
Subscribe
