नवमी-विजयादशमीच्या दिवशी अखेर पावसाचे आगमन.

ढगाळ वातावरणासह पावसाच्या सरी

केतन शिरोडकर / पिंगुळी

सिंधुदुर्ग जिल्ह्यात नवमी आणि विजयादशमीच्या दिवशी अखेर पावसाने हजेरी लावली. गेल्या काही दिवसांपासून पावसाची प्रतीक्षा असताना आज परिसरात ढगाळ वातावरण निर्माण झाले असून, पावसाच्या सरी कोसळू लागल्या आहेत.
सणासुदीच्या उत्साहात पावसाचे आगमन झाल्याने वातावरणात गारवा निर्माण झाला आहे. अचानक आलेल्या पावसामुळे रस्ते ओलेचिंब झाले असून, ये-जा करणाऱ्या वाहनचालकांना पावसाचा सामना करावा लागत आहे. आकाशात दाटून आलेले ढग आणि अधूनमधून कोसळणाऱ्या पावसाच्या सरींमुळे परिसराचे चित्र बदलले आहे.
नवरात्रोत्सवाच्या सांगतेच्या काळात आणि विजयादशमीच्या दिवशी झालेल्या या पावसामुळे नागरिकांचे लक्ष पुन्हा एकदा हवामानाकडे लागले आहे.

error: Content is protected !!